Die Bergpredigt in Jugendsprache
Wir arbeiten an einer schweizerdeutschen, von Jugendlichen in die aktuelle Jugendsprache übersetzte Bergpredigt! Mit der Unterstützung von Theologiestudierenden wurde im Rahmen mehrerer Workshops an Jugendevents bereits ein grosser Teil übersetzt.
Möchtet ihr mitübersetzen?
Nehmt euch Zwingli zum Vorbild und übersetzt die Bibel in die heutige, schweizerdeutsche Jugendsprache! Ihr sucht euch einen Vers aus der Bergpredigt aus, der auch anspricht, und Theologiestudierende unterstützen euch mit allen nötigen Hilfsmitteln.
D'Speech vom Bärg: Matthäus 5-7
Wo er die viele Mensche gseh hät, isch er uf än Berg gange. Woner abgsesse isch, isch sini Gäng zu ihm cho und woner sini Frässa ufgmacht het, het er ihne ä Story verzellt.
Seelig sind die Arme, dene sogar s‘Gottesvertraue gnoh worde isch, will ihne ghört d’Welt vom Gott.
Erfüllt sind di Truurende, sie werdet tröstet werde.
Erlöst sind die Fridliche, will sie werdet s'Land erbe.
Die Lüt wo sich nach Grechtigkeit sehned und sich defür ihsetzed, sötet sich glücklich fühle. Gli chunt die Grechtigkeit.
Props a Mänsche wo sich ehrehaft gegeüber Mänsche verhaltet wos dräckig händ, will Gott gitt dene Ehr zrugg.
Erlöst, sind diä mit reinem Herzä, und si werdäd Gott gseh.
Die wo für de Friede schaffed sind erlöst und werded Chind Gottes gnännt werde.
Die wo verfolgt werded, will sie mached was Gott wett, derfed sich freue, will sie mit Gott im Himmel lebe werdet.
Erlöst sind ihr, wänn sie eu beleidiged und verfolged und über eu lästäret und mir z’lieb däbi lüged.
Freued eu well ihr fett belohnt werded im Himmel!
D’Prophete hends vor eus au scho gmacht.
Ihr sind de Nährstoff vo de Welt. Wenn ihr nümm nahrhaft sind, mit was ernährt mer denn d’Welt? Mit nüt meh, es hett sin Wert verlore.
Ihr sind s’Liecht vo de Welt. Kei Stadt chan sich höch obe uf em Berg verstecke.
Mer zündet au nöd e Kerze ah und stellt sie under en grosse Kessel, sondern uf en Kerzeständer. Denn hend alli epis devo. Ihr selled s’Liecht mit de andere Teile, dass sie en guete Idruck vo eu hend und zum Gott im Himmel betet.
Ich bin nöd da zums Gsetz oder die wo Gsetz witer gäbed z‘verändere, sondern zum es verbessere. Losed zue ich schwör, bis Welt untergoht söt nüt chlises veränderet werde, bis es komplet gänderet wird.
Wer also au nur eini vo dena Rules cancelled, und wenns au nur das isch, wo eh niamer interessiert und das sina Homies so biibringt, dä wird an armä Siäch sii im Himmel. Wer aber d’Rules accepted und das sina Homies wiitergibt, dä wird dr Chief sii im Himmel.
Macheds bessr als alli Pfarrer, etc., wo nur ume verzelläd was fair isch und was nöd, aber sich selber nid dra halted. Nur wenn ihr voll fair sind chömed ihr in Himmel.
Ihr hend ghört, dass Gott zu de Alte gseid het: Ihr sölled ned töte. Wer aber tötet, wird vom Gricht schuldig gsproche.
Ich aber säg eu: Jede wo sin Bro provoziert, kassiert. Wär sim Bro seit: du Wixxer dä kassiert komplett. Und wär seit: du Hueresohn, wird komplett hops gno.
Wenn du hüt dis Opfer zum Altar bringsch und ersch denn merksch, dass din Mitmensch öppis gege dich het, denn laa s’Opfer lige, versöhn dich mit dim Mitmensch und ersch nach dem bringsch dis Opfer.
Chill dini Nipples, wenn du Bief hesch mit dinam Enemy, dass er di nit hated und din Chef di in Knast wirft.
Passed uf! I säga dier: Du wirsch nid us am Knast usa ko, bis du nid dr letschti Franka überwiesa hesch.
Iar hend ghört, dass gseit worda isch: Du söllsch dini Frau oder din Maa nid betrüga! I aber säga eu: Jeda, wo a Frau spitz aaluagt und sie geil findet, hät in sinam Herz scho sini eiged Ehefrau betroga.
Wänn dis rächtä Aug dich i Schwierigkeite bringt, riss es usä und wirf’s wäg. Es isch besser eis vo dinä Glieder z’opferä als dass din ganze Körper id Höll gworfe wird.
Wänn dich sälber figgsch, dänn hör uf.
Es isch au gseit worde: Wer sich vo sinere Frau trennt, söll ihre es Scheidepapier geh. Ich aber säg eu: Jede, wo sich vo sinere Frau trennt - ussert sie het dich betroge -, triebt sie in Ehebruch. Und wer e getrennti Frau hürated, bricht ihri Ehe.
Ihr händ jo ghört, was Gott ine scho gseit hät. Du söttsch din Schwur nöd bräche, und dini Verspräche bi Gott ihalte.
Ich aber sege eu: Ihr söttet überhaupt nöd schwöre. Nöd bim Himmel, denn er isch Gottes Thron, nöd bi de Erde, denn sie ischs Schemeli vo sine Füess, nöd bi Jerusalem, denn sie ischd Stadt vom grosse König, und es bringt nüt uf dich selber zschwöre, denn du bisch ja nöd emal ide Lag, dini Haarfarb eifach so zändere.
Euer Ja söt es Ja sii, und eues Nei söt es Nei sii. Jedes wiitere Wort isch unnötig.
Ihr händ ghört: Ihr selled immer kontere. Ich säg eu: Schlönd nöd zrugg. Wänn eu öpper e Bombe gitt, dänn frög nacheme Magebox.
Wen dich eine Azeige will zum dir dini Kleider wegneh, denn gib ihm au Jacke. Und wenn dich eine zwingt mit ihm 1 km z’laufe den lauf freiwillig 2.
Gib allnä, wo dich um öppis bität, und wänd dich nöd vo dänä ab, wo öppis vo dir wänd.
Ihr hend ghört, dass gseit worde isch: „Liebed die wonir liebed und hassed die wonir nöd gern hend. Ich aber seg eu: „Liebed die, wonir nöd gern hend und betet für die wo Stress mit eu wend, damit ihr Chind vo Gott werded und in Himmel chömed – er staht über em Böse um dem Guete und er verurteilt dich nöd wennd mal en Fehler machsch.
Es isch nüt speziells Lüt gern zha, wo dich au gern händ. Das mached sogar di Hinderlischtigste.
Und wenn du nur nice zu dine Besties bisch, isch das überhaupt erwähnenswert? Mached das nöd au Lüt wo fake sind?Ihr selled also au so Perle sii wie Gott au Perle isch.
Mach kei gueti Sache zum blöffe. Gott git dir nüt defür.
Gib niemertem dis Geld, wenn du dich nachher als Held bezeichnisch und verzells nöd allne, wie das Idiote mached, zum berüehmt werde.
Sie hend ihre Ruhm schob becho.Wenn du öperem hilfsch, blöff nid sondern bhalts für dich. Gott gsehts und wird dich belohne defür.
Wenn ihr bäted, denn machet das nid so wie die wo nu so tünd, die wo gärn i de Chile oder uf de Strass äs Show-Bäte veranschtaltet, damit alli sie bewundere chönd. Ich säg eu: Vergässed de Scheiss! D’Bewunderig vo de Zuschauer isch au scho alles was sie devo händ. E Belohnig füt ihres Gebät bechömeds nid.
Aber wenn du bättisch, goh i dis Zimmer, mach d’Tüüre zue und bätt zu dim Däddy, wo versteckt isch. Und din Däddy, wo is’Gheime gseht, wird’s der ahrächne.
Wenn ihr bättet, denn labered nöd so viel wie die nöd Gläubige! Sie meined dass sie numme so viel Ufmerksamkeit überchömed well si so viel schwätzed. Mached sie nöd nah! Gott weiss was ihr bruched bevor ihr defür freget.
Jungs, säged: üsä Altä uf Wulchä 7, alli sölläd Respäkt vor dim Name ha druf das alli machäd was du wetsch.
Eusi Pizza, wo mir bruched, liefere eus hei!
Und vergiss eusen Schissdreck, wo mir baut hend, will’s eus au nüme juckt was die andere eus gmacht hend!
Und bring eus nöd uf dummi Idee, sondern beschütz eus vom Schlächte.
Gott git eu eui Ehr zrugg, wenn du d’Ehr vo de Mitmänsche zrug gisch, aber wenn nöd denn Päch.
Möched kei halbi Sache, möcheds richtig für eu und nöd so wie die wos möched zum damit agä.
Jetzt erly. Sie händ ihre Pris schob echo.
[6,17-21 fehlt]
Wenn d’mit offene Auge durch’s Lebe gahsch, denn wirsch efüllt und happy. Wenn d’mit finstere Auge und mad durch s’Lebe gahsch, denn wirsch finster und scheisse druf sii.
Bis nöd Fake blib dir selber treu. Nimm dä Weg wo du nöd bereusch. La dich nöd chaufe.
Wäge dem säg ich euch: Chill’s emal!
Wo de nögst Mac isch, um dir 6-Pack oder öpp dini Zalando Bstellig na chunt!
Isch s’Läbe nöd meh als Pommes + Burger und Xundhheit wichtiger als dini Chleider.[6,26-27 fehlt]
Sorged öi ned um Chleider. Ihr gsend eh nie besser uus als d’Blueme. Sie gebed sicher au nie müeh dezue.
[6,30 fehlt]
Chilleds und lebed im Momänt. Mached oi kei Sorge um de nägschti Tag. Das mached scho d’Opfers wo nöd a Gott glaubed. Gott weiss scho was ihr alles bruuched.
Lueged zercht am Gott sinere Welt und Meinig. Dänn wird alles was ihr bruched gäh.
Lebed im Moment, morn isch morn. Jede Tag isch gnug stressig.
Du sötsch niemert verurteile, den du chasch selber verurteilt werde.
Denn wenn du dir vo öpertem es schlechts Bild machsch, macht er mit dir genau s’Gliche.Kümmere dich nid um anderi wenn du selber meh Problem hesch.
Kritisier nid en Minecraft-Spieler wenn du selber Fortnite süchtig bisch.
Wenn mer öppis bsunders wichtigs het, denn sött mers nöd verschwende und nöd a Lüt verschenke wo nöd chegged, wie wichtig dases isch, will die ein nachher nur schlönd.
Redät mit Gott und bittet ihn um Sache, dänn wird er eu sie gee. Machet eu mit ihm uf d’Suechi nach erä Lösig, denn wärdet ihr sie finde. Chlopfed bii Gott a, denn wird er eu au Türe ufmache.
[7,9-11 fehlt]
Bis nice zu andere, denn sind sie nice zu dir. Das isch so wi es Gott hät welle.
[7,13-14 fehlt]
Passed uf vo Fake Prophete, die brav tüend – sie sind’s Gegeteil.
[7,16-20 fehlt]
Nöd jede wo miin Name seid, chunnt in Himmel. Er mues au mache was ich wott.
An dem Tag werded dänn vill zu mir säge: „Ich känn dich doch voll persönlich und han allne dini Message verzellt, ich han gäge Dämone battled und für dich x-fach d’Wält grettet.“ Die bechömed dänn zghöre: „Ich han eu no nie gseh! Verpissed eu, ihr händ eu nöd ad Regle ghaltet!“
[7,24-27 fehlt]
